ՀՖՖ Գործկոմի անդամ Լևոն Հասրաթյանը «90 րոպեին» իր կարծիքն է հայտնել է «Եվրո-2012»-ի վիճակահանության մասին. «Վիճակահանության արդյունքները գերազանց եմ գնահատում: Աչքի անցկացնելով մեր խմբում ընդգրկված հավաքականներին, կարծում եմ, որ կարող ենք պայքարել 2-րդ և 3-րդ տեղերի համար:

Ֆավորիտ եմ համարում ռուսներին ու իռլանդացիներին, սակայն, իմ կարծիքով, մեր հավաքականն իր ներուժով ունակ է միավորներ կորզելու այս խմբի բոլոր հավաքականներից, և մասնավորապես Երևանում նրանցից ոչ մեկի համար հեշտ չի լինի:

Այս խմբում ընդգրկված թիմերն աչքի չեն ընկնում կայուն ելույթներով, ինչը չես ասի այն հավաքականների մասին, ինչպիսին են Անգլիան, Իտալիան, Իսպանիան: Այնուամենայնիվ, մեր խմբում ընդգրկված հավաքականներից ոչ մեկը նվեր չէ մեզ համար: Նրանցից յուրաքանչյուրը ցանկացած պահի կարող է մեծ քայլերով առաջ գնալ և վերելք ապրել»: