"Միկայի" գլխավոր մարզիչ Արմեն Ադամյանը խիստ ընկճված էր "Ռաբոտնիչկիի" հետ հանդիպումից հետո, սակայն ներկայացավ մամուլի ասուլիսին և պատասխանեց լրագրողների հարցերին: Մարզիչը նշեց, որ անհաջողության ողջ պատասխանատվությունը վերցնում է իր վրա:

 Երևանի "Միկա" մարզադաշտում Եվրոպայի լիգայի որակավորման 2-րդ փուլի "Միկա"-"Ռաբոտնիչկի" հանդիպումն ավարտվեց 0:0 հաշվով: Առաջին խաղում Հայաստանի փոխչեմպիոնը պարտվել է 0:1 հաշվով, ուստի այսօր առնվազն մեկ գնդակ պետք է ուղարկեր մրցակցի դարպասը, սակայն չիրացրեց բազմաթիվ պահեր:

Մեր ակումբները շարունակում են հիասթափեցնել հայ ֆուտբոլասերին: Զարմանալի հաջորդականությամբ նրանք դեղահաբի հերթական չափաբաժինն են մատուցում հայ մարզասերին, որի առանց այն էլ նոսրացող քանակը մարզադաշտերում ավելի է նվազում: