Ինչպես տեղեկացանք «Կիլիկիայի» գլխավոր մարզիչ Աբրահամ Խաշմանյանից, թիմն արդեն հունի մեջ է մտել ու ըստ նախատեսված ծրագրի' մարզվում է Երևանում: Թիմում նոր ֆուտբոլիստների հետ կապված նորություններ չկան: Ներկա դրությամբ մարզիչները հիմնական ուշադրությունը դարձնում են խաղացողների ֆունկցիոնալ պատրաստությանը' միևնույն ժամանակ հղկելով գնդակի հետ աշխատանքը:

Մարզումները շարունակվում են և՛ խաղադաշտերում, և՛ մարզադահլիճներում: «Կիլիկիան» առայժմ ստուգողական ոչ մի հանդիպում չի անցկացրել, սակայն ինչպես վստահեցրեց Աբրահամ Խաշմանյանը, այդ ուղղությամբ էլ աշխատանքներ են կատարվում, այնպես որ, մոտ ժամանակներս «Կիլիկիան» կարող է նաև նման հանդիպումներ անցկացնել: Մնում է միայն մրցակիցներ ընտրել և համաձայնության գալ: