Վարշավայում 15:00-ին մեկնարկում է "Եվրո-2012"-ի ընտրական փուլի վիճակահանությունը: Հայաստանի հավաքականն այսօր կիմանա իր մրցակիցներին, որոնց հետ այս տարվա սեպտեմբերից սկսելու է պայքարել Եվրոպայի առաջնության ուղեգրերի համար: Հիշեցնենք, որ մեր ընտրանին 5-րդ զամբյուղում է, որտեղ ընդգրկված են նաեւ Մոնտենեգրոյի, Ալբանիայի, Մակեդոնիայի, Էստոնիայի, Վրաստանի, Մոլդովայի, Իսլանդիայի եւ Ղազախստանի հավաքականները:

Ֆուտբոլային Եվրոպայի ուշադրության կենտրոնում է Լեհաստանը, որտեղ րոպեներ անց կմեկնարկի վիճակահանությունը: Քիչ առաջ, ներկայացվեց տեսահոլովակ, որը նվիրվախ էր Եվրոպայի առաջնությունների 50-ամյակին, իսկ այժմ ընթանում է երաժշտական համար: 

Այժմ ներկայացվում են այն քաղաքները, որտեղ կայանալու են "Եվրո-2012"-ի երզափակիչ փուլի հանդիպումները: 2 տարի անց, Եվրոպայի առաջնությունը կընդունեն Լեհաստանի եւ Ուկրաինայի 4-ական քաղաքներ:

Վիճակահանությունը սկսված է: 6-րդ զամբյուղի հավաքականները հայտնվեցին 1-6-րդ խմբերում: Հայաստանը հայտնվեց Ադրբեջանի հետ միևնույն խմբում, սակայն ինչպես արդեն նշվել էր, նման բան թույլ չի տալու ՈՒԵՖԱ-ն, ուստի մեր ընտրանին տեղափոխվեց 2-րդ խումբ, որտեղ արդեն ընդգրկված էր Անդորրան:

2-րդ խմբում Հայաստանի հետ միասին հայտնվում է Մակեդոնիան, որի կազմում ելույթ է ունենում Միլանի "Ինտերի" հարձակվող Գորան Պանդեւը:

Հայաստանի մրցակիցն է դառնում նաեւ Իռլանդիան, որը գլխավորում է հանրահայտ Ջովանի Տրապատոնին:

2-րդ զամբյուղից մեր մրցակիցն է Սլովակիան: Ինչ խոսք, դա վատ տարբերակ չէ:

1-ին զամբյուղից Ռուսաստանն է մեր մրցակիցը: Այսպիսով, Հայաստանը պայքարելու է Ռուսաստանի, Սլովակիայի, Իռլանդիայի, Մակեդոնիայի և Անդորրայի հետ: Կարելի է ասել, որ վիճակահանությունը բարեհաջող էր մեր հանդեպ: Սպասենք խաղացանկի հաստատմանը:

ԵՎՐՈ-2012-ի ընտրական խմբեր

1-ին խումբ

Գերմանիա, Թուրքիա, Ավստրիա, Բելգիա, Ղազախստան, Ադրբեջան 

2-րդ խումբ

Ռուսաստան, Սլովակիա, Իռլանդիա, Մակեդոնիա, ՀԱՅԱՍՏԱՆ, Անդորրա

3-րդ խումբ

Իտալիա, Սերբիա, Հս. Իռլանդիա, Սլովենիա, Էստոնիա, Ֆարերներ

4-րդ խումբ

Ֆրանսիա, Ռումինիա, Բոսնիա, Բելառուս, Ալբանիա, Լյուքսեմբուրգ

5-րդ խումբ

Հոլանդիա, Շվեդիա, Ֆինլանդիա, Հունգարիա, Մոլդովա, Սան Մարինո

6-րդ խումբ

Խորվաթիա, Հունաստան, Իսրայել, Լատվիա, Վրաստան, Մալթա

7-րդ խումբ

Անգլիա, Շվեյցարիա, Բուլղարիա, Ուելս, Մոնտենեգրո 

8-րդ խումբ

Պորտուգալիա, Դանիա, Նորվեգիա, Կիպրոս, Իսլանդիա

9-րդ խումբ

Իսպանիա, Չեխիա, Շոտլանդիա, Լիտվա, Լիխտենշտեյն