ՀՖՖ Գործկոմի անդամ Թովմաս Գրիգորյանը. «90 րոպեին» իր կարծիքն է հայտնել է «Եվրո-2012»-ի վիճակահանության մասին. «Կարծում եմ, վիճակահանությունը կարելի է հաջող համարել, իհարկե, մարզական առումով, իսկ ահա կոմերցիոն տեսանկյունից այն այնքան էլ բարենպաստ չէ: Խոսքը հեռարձակումների վաճառքի մասին է, քանի որ չկան հզոր հավաքականներ, ինչպիսին են Իտալիան, Անգլիան, Գերմանիան, Իսպանիան:

Այնուամենայնիվ, ֆուտբոլասերներին ավելի շատ հետաքրքրում է մարզական կողմը: Իմ կարծիքով' մեր խմբի ֆավորիտներն են Իռլանդիան և Ռուսաստանը: Անձամբ ես չէի ցանկանա, որ ռուսների հետ միևնույն խմբում հայտնվեինք: Երկրորդ զամբյուղից Սլովակիան և չորրորդ զամբյուղից Մակեդոնիան հաջող տարբերակներ են մեզ համար: Անդորրայի հետ էլ 100 տոկոսանոց արդյունք ունենք պաշտոնական խաղերում: Իմ կարծիքով' սա վերջին տարիների լավագույն վիճակահանությունն էր»: