Եվրո-2012-ի B խմբի ֆավորիտը, բուքմեյկերների կարծիքով, Ռուսաստանի հավաքականն է։ Այս խմբում, հիշեցնենք, ընդգրկված են նաև Իռլանդիայի, Սլովակիայի, Մակեդոնիայի, Հայաստանի ու Անդորրայի ընտրանիները։

William Hill-ը, ասենք, 1,4 գործակցով է գնահատում Գուս Հիդինկի սաների՝ խմբում առաջին տեղը զբաղեցնելու հնարավորությունները։ Երկրորդը նշված են իռլանդացիները՝ 5,0 գործակից, երրորդը՝ Սլովակիան (6,0), չորրորդը՝ Մակեդոնիան (15,0)։

Հայաստանի հավաքականի հաղթանակը այս խմբում գնահատվում է 101,0 գործակցով։ Իսկ Անդորրայինը՝ 100 անգամ ավելի քիչ՝ 1001,0 գործակից։

Իռլանդական Paddy Power-ը մերոնց հնարավորությունները գնահատում է 1/66-ի։ Իռլանդացի բուքմեյկերներն էլ են ռուսների համարում ֆավորիտ B խմբում (8/13)։ Անդորրայի հնարավորությունները գնահատվում են 1/500-ի։

Ինչ վերաբերում է BWin-ին, ապա այստեղ Հայաստանի ընտրանու հնարավորությունները գնահատվում են 251,0 գործակցով։ Ֆավորիտները նորից ռուսներն են՝ 1,75։ Անդորրան ստացել է կլորիկ 1000,0 գործակիցը։