«Իրոք, ծանր կլինի Հայաստան հասնելը, - իռլանդական Independent կայքի հետ զրույցում նշել է Իռլանդիայի ազգային ընտրանու երկրպագու Դել Հարտը, - սակայն տեղ հասնելուն պես՝ ամեն ինչ անչափ հետաքրքիր կլինի (ամենայն հավանականությամբ, Դելը արդեն այստեղ եղել է անցյալ նոյեմբերին՝ Իռլանդիայի երիտասարդական ընտրանու հետ... - հեղ.)։ Սա սովորական վայր չէ, ու եթե 1500 կամ 2000 ֆանատներով կարողանանք հասնել Երևան, ապա բոլորս միասին այնտեղ... արգելքներ չենք ունենա», - խոստովանել է նա:

Կայքը նաև տեղեկացված է Հայաստանում առկա իռլանդական փաբերից։ Այդ տեղեկությունները, սակայն, մի փոքր հնացել են. լրագրողը նշում է, որ Irish փաբերը երկուսն են. մեկը՝ «Emile's», իսկ երկրորդը՝ «Shamrock Tavern» անուններով։ Նշենք, սակայն, որ առաջինի փոխարեն ներկայումս արդեն մեկ այլ հասարակական սննդի «օբյեկտ» է գործում, բայց երկու փաբի պակասը լրացվել է մեկ ուրիշով, որը վերջերս է բացվել...

Կայքը նաև նշում է, որ Դուբլինից Երևան հասնելու համար հարկավոր է մոտ 500 եվրո. «Ուղիղ չվերթ, սակայն չի գործում, բայց այնտեղ կարելի է հասնել Լոնդոնից, Ֆրանկֆուրտից կամ Փարիզից», - տեղեկացնում է Independent-ը։