Ռուս գեղասահորդուհի Անաստասիա Գրեբյոնկինան, ով նախկինում Վազգեն Ազրոյանի հետ ներկայացնում էր Հայաստանը, ռուսական «Բանկի» լրատվական կայքի հետ զրույցում խոսել է ֆինանսների մասին եւ հիշել է Հայաստանի գեղասահքի ֆեդերացիային:

«Որպեսզի քեզ ֆինանսապես օգնի Ռուսաստանի հավաքականը, անհրաժեշտ է լինել առաջատարների թվում: Ինչ վերաբերվում է Հայաստանի հավաքականին, որտեղ ես ելույթ էի ունենում իմ գործընկեր Վազգեն Ազրոյանի հետ, իրավիճակն այլ է: Երբ դուք միակ զույգն եք երկրում, ապա բոլոր ծախսերը մարզիկների ուսերին է: Հայաստանի ֆեդերացիան մեզ չէր օգոնւմ:

Դա ընդհանրապես բավական աղքատ կազմակերպություն է, որ գոյատեւելու ոչինչ չունի, ուր մնաց մեզ ապահովի: Կար մի պահ, երբ մեզ օգնում էր իմ ընկերը, բացի այդ, մենք վաստակում էինք մրցումներում, ցուցադրական ելույթներում», - անկեղծացել է շիկահեր մարզուհին:

Ներկայումս, Գրեբյոնկինա-Ազրոյան զույգը մասնակցում է տարբեր շոուների եւ վաստակում ավելի մեծ գումարներ: