Հուլիսի 22-25-ին Ծաղկաձորում կանցկացվի ՀՀ նախագահի պարգևների խաղարկության ՙԼավագույն մարզական ընտանիք՚ մրցույթի եզրափակիչը: Այս ստուգատեսին մասնակցում են ընտանիքներ, որի կազմում են հայրը, մայրը և երեխան:

Մրցումների ծրագրում 6 մեկնարկներ են, որոնց մասնակցում են ընտանիքի բոլոր անդամները: Նախնական փուլի մրցումները կազմակերպվել են Հայաստանի մարզերում և Արցախում: Եվ ահա, աչքի ընկնողներն իրենց կարողությունները փորձելու հնարավորություն են ստացել վճռական փուլում: Ի դեպ, եթե նախորդ տարի մրցույթին մասնակցել էր 126 ընտանիք, ապա այս տարի այդ թիվը հասել է 167-ի: Ահա թե որ մրցավայրում քանի ընտանիք է մասնակցել. Երևան` 24, Շիրակ` 16, Վայոց Ձոր` 15, Լոռի` 14, Տավուշ` 14, Սյունիք` 14, Արմավիր` 13, Գեղարքունիք` 13, Արարատ` 12, Արագածոտն` 12, ԼՂՀ` 12, Կոտայք` 8:

Սահմանված են նաև դրամական պարգևներ: Մասնավորապես, նախնական փուլում ընդհանուր հաշվարկով 1-ին, 2-րդ, 3-րդ տեղերը զբաղեցնողներին է հանձնվելու 210 հազար, 190 հազար, 160 հազար դրամ: Առանձին մրցաձևերում աչքի ընկնողները պարգևատրվելու են 50 հազարական դրամով: Եզրափակիչում ընդհանուր հաշվարկով 1-ին, 2-րդ, 3-րդ տեղերը գրաված մարզական ընտանիքներին համապատասխանաբար հանձնվելու է 500 հազար, 400 հազար, 300 հազար դրամ: Իսկ առանձին մրցաձևերում լավագույնը ճանաչված թիմերը պարգևատրվելու են 100 հազարական դրամով: