Բելառուսի հավաքականը, որի հետ Հայաստանն այսօր ընկերական հանդիպում է անցկացնելու, Անթալիայում նոր ավագ է ընտրել: Այդ պարտականությունները կկատարի դարպասապահ Յուրի Ժեվնովը, ով վերջերս պայմանագիր կնքեց Սանկտ-Պետերբուրգի «Զենիթի» հետ:

Բելառուսի հավաքականի թեւկապը կրում էր Ալեքսանդր Գլեբը («Շտուտգարտ», Գերմանիա), ով փետրվարին հրաժարվեց այդ պարտականությունից:

Բելառուսի հավաքականի գլխավոր մարզիչ Բեռնդ Շտանգեն առայժմ չի հայտնում, թե ինչ կազմ է դուրս բերելու խաղադաշտ: Գերմանացի մասնագետը չի թաքցրել, որ կազմը ընտրելու խնդիր ունի, քանի որ առանցքային ֆուտբոլիստներից մի քանիսը վատ մարզավիճակում են ժամանել Թուրքիա:

Մասնավորապես, նորընտիր ավագ Յուրի Ժեվնովը խաղային պրակտիկա չունի եւ հայտարարել է, որ պատրաստ չէ Հայաստանի հետ խաղին: