Մյունխենի «Բավարիայի» հարձակվող Իվիցա Օլիչը հույս ունի հաջորդ մրցաշրջանում էլ լինել գերմանական թիմի հիմնական հարձակվող:

«Երբ ես գալիս էի այստեղ` կա՛մ չորրորդ, կա՛մ հինգերորդ հարձակվողն էի, բայց նախորդ մրցաշրջանն ավարտում էի` լինելով հիմնական կազմի ֆուտբոլիստ: Ինչ վերաբերում է գալիք մրցաշրջանի խնդիրներին, ապա ես ուզում եմ լինել «Բավարիայի» առաջին հարձակվողը:

Ես սկսել եմ ողջ ուժով մարզվել նախապատրաստական առաջին իսկ օրվանից և արդեն հիմա հավաքել եմ անցած սեզոնի մարզավիճակս: Այժմ մարզիչը գիտի` ինչի եմ ես ընդունակ և ինչպես կարող եմ խաղալ: Հոգեբանական առումով ինձ համար շատ կարևոր է վան Գալի վստահությունը:

Իհարկե, ես գերմոտիվացված եմ և ցանկանում եմ գոլ խփել յուրաքանչյուր խաղում»,- ասել է Օլիչը «Բավարիայի» պաշտոնական կայքին տված հարցազրույցում: