Մոսկվայի «Սպարտակի» նախկին պաշտպան Վագիզ Հիդիատուլինը հայտարարել է, որ Ռուսաստանի հավաքականը խնդիրներ չի ունենա Հայաստանի ու Անդորրայի հավաքականների հետ՝ Եվրո-2012-ի որակավորման փուլի B խմբում։

«Ես անմիջապես մտածեցի, որ մեր հավաքականի համար սա լինելու ծանր, շատ ծանր խումբ։ Սլովակիայի հավաքականը՝ Աշխարհի առաջնության ընտրական փուլում գրավեց առաջին հորիզոնականը, և նրանք դեռ ցույց կտան իրենց ներուժը։ Իռլանդացիները նույնպես բավական ուժեղ թիմ են, և նրանք պետք է խաղային Աշխարհի առաջնությունում։ Ես չեմ կարծում, որ Եվրոպայի առաջնության ընտրական փուլում նրանց խաղը կխամրի. այդ հավաքականը հիմնականում կազմված է անգլիական Պրեմիեր-Լիգայում հանդես եկող թիմերից։

Մակեդոնացիները կարող են, իհարկե, քայքայել մեր նյարդերը, բայց ոչ ավելին։

Իսկ ինչ վերաբերում է Հայաստանին ու Անդորրային, ապա չի կարելի ասել, որ նրանց հեշտ ու հանգիստ կարելի է հաղթել, բայց, այդուամենայնիվ, նրանց հետ խնդիրներ չեն առաջանա։ Հիմնականում, պայքարը կծավալվի Ռուսաստանի, Սլովակիայի ու Իռլանդիայի միջև», - մեջբերում է Խիդիատուլինի խոսքերը Спорт день за днем-ը։