«Մանչեսթեր Սիթիի» գլխավոր մարզիչ Ռոբերտո Մանչինին  համոզված է, որ նոր ձեռքբերումների շնորհիվ` ակումբը արդեն այս մրցաշրջանում կկարողանա պայքարել Անգլիայի չեմպիոնի տիտղոսի  համար:

«Ինչ վերաբերվում է մեր մրցակիցներին, կարծում եմ, նրանք վախեցած են, քանի որ հիմա միայն «Սիթին» է նոր ֆուտբոլիստեր գնում: Մենք ցանկանում ենք ուժեղացնել մեր թիմի կազմը, մինչդեռ մնացած ակումբները առանց այդ էլ ուժեղ են: Մեզ հիանալի հնարավորություն է ընձեռնվել, այդ իսկ պատճառով մենք պետք է հավատանք մեր ուժերին և լավ կատարենք մեր աշխատանքը: Մեր նպատակն է նվաճել ոսկին», - Մանչինիի խոսքերն է մեջբերում Championat-ը` հղում անելով  Sporting Life-ին: