Կուբացի գերծանր քաշային կարգի բռնցքամարտիկ Խուան Կառլոս  Գոմեսը հոգնել է` սպասելով իր գումարը ստանալու ծագումով թուրք, գերմանացի պրոմոութեր Ահմեդ Օներից  և պատրաստվում է վերադառնալ Universum-ի հովանու տակ: “Ես շատ հիասթափված  եմ Ահմեդ Օներից: Ես նրանից իմ անցկացրած վերջին 3 մրցամարտերի համար պարտք է ևս 1,5 միլիոն դոլար: Սակայն նա ինձ Մայամի ուղարկեց դատարկ  ձեռքերով”,- ասել է կուբացի բռնցքամարտիկը:

Ահմեդն իր հերթին  ժխտել է պարտք լինելու մեղադրանքը. “Մենք Խուանին ոչինչ պարք չենք:Նա մեր մոտ ստանում էր ամենաբարձր հոնարարը:  Ի դեպ, նրա  պայմանագիրը  չի ավարտվել: Եթե նա հանդես գա Universum- ի հովանու տակ, մենք նրանից տոկոսներ կպահանջենք”: Իսկական թուրքական մոտեցում. պարտքը չմարած` Ահմեդը  տոկոսներ է ակնկալում պարտատիրոջից:

Գոմեսը նաև նշել է,որ հոնիսի 4-ին նրան սպառնացել են “ինչ որ թուրքեր` պահանջելով ստորագրելու 3 մրցամարտերի պայմանագիրը”: Սակայն սպառնալիքները չեն ազդել բռնցքամարտիկի վրա , և նա չի ստորագրել այն:
Գոմեսը ցանկանում է ռինգ մտնել հուլիսի 31-ին Universum և ZDF- ի համատեղ երեկոյի ժամանակ, որը բարեգործական բնույթ է կրելու: Ցանկացած տոմս կարելի է գնել 30 եվրոյով: Ստացված եկամտի կեսը հատկացվելու է երեխաների օգնության հիմնադրամին: Երեխաների հանդեպ Խուան Կառլոսի սերը  յուրաահատուկ է . նա ունի 7 երեխա “նվազագույնը 4  կնոջից”: Ըստ  Bild-ի, նա երեխաներին շատ է սիրում` չնայած ոչ բոլորի հետ կարող է տեսնվել:

Երեկ նա այցելել է Universum – ի մարղադահլիճ և հայտարարել, որ պատրաստ է հուլիսի 31-ին ռինգ մտնելու: