Թուրինի օլիմպիական խաղերի չեմպիոն Եվգենի Պլուշչենկոն սկսել է ակտիվորեն նախապատրաստվել 2010 թ. Վանուկվերում կայանալիք ձմեռային օլիմպիական խաղերին: Ալեքսեյ Միշինի սանը Սանկտ Պետերբուրգի «Յուբիլեյնի» սպորտհամալիրում ծանրաբեռնված մարզումներ է անցկացնում, ինչի մասին տեղեկացնում է Gazeta.ru-ն:

Մարզման առաջին օրը լրագրողները չեն կարողացել հանդիպել Պլյուշչենկոյին, քանի որ մարզիկը բաց է թողել այն: Պարզվել է, որ այդ պահին Եվգենիի նախկին կինը թույլատրել է տեսնել աղջկան:

Հաջորդ օրը Պլյուշչենկոն մարզահամալիր է եկել... մոտոցիկլով: Թեև Սանկտ Պետերբուրգում խցանումներ չեն նկատվում, սակայն չեմպիոնը նախընտրել է բավական վտանգավոր տրանսպորտային միջոց:

Մարզումից հետո ռուս գեղասահորդը հրաժարվել է մեկնաբանություններ անել, իսկ նրա մարզիչը վստահեցրել է, որ նախապատրաստական աշխատանքներն ընթանում են ըստ նախատեսվածի:

Թեև Պլյուշչենկոն պատրաստվում է օլիմպիական խաղերին, սակայն ժամանակ է հատկացնում նաև տարբեր շոու ծրագրերի և PR ակցիաների: