Ռուսաստանի վարչապետ Վլադիմիր Պուտինն առաջարկել է ընդգրկել իրեն Ռուսաստանի ձյուդոյի հավաքականում, եթե դա կօգնի «Օիլմպիական խաղեր-2012»-ի նախապատրաստական աշխատանքներին։ Այս մասին հաղորդում է rbc-ն:

«Եթե անհրաժեշտ լինի անմիջական օգնություն, դուք կարող եք ընդգրկել ինձ հավաքականի կազմում»,- նշել է Պուտինը ռուսաստանցի ձյուդոիստների մարզիչ Էցիո Գամբոյի հետ հանդիպման ժամանակ:

Նշենք, որ նախօրեին Վլադիմիր Պուտինն այցելել էր Սանկտ Պետերբուրգի մարզական արվեստի դպրոց և նույնիսկ մասնակցել ձյուդոիստների մարզումներին:

«Կարծում եմ, որ ոչ մեկին չեմ զարմացնի, եթե ասեմ, որ ֆիզիկական ակտիվությունը, առողջ կենսակերպը և կանոնավոր պարապմունքներն օգնում են պահպանել լավ ինքնազգացողությունը և դրական տրամադրությունը: Իսկ ձյուդոն սովորեցնում է ինքնատիրապետել քեզ, տեսնել հակառակորդի ուժեղ և թույլ կողմերը, զգալ սուր պահը, ստուգել ռեակցիան, և, ամենակարևորը, մշտապես կատարելագործվել: Համաձայնեք, որ այս հմտությունները և գիտելիքներն անհրաժեշտ են նաև քաղաքականությունում»,- եզրափակել է Պուտինը: