Հայ ջրացատկորդներն ավարտեցին ելույթները գերմանական Գրան պրիում

11:58 01.02.2016

Ջրացատկորդներ Լև Սարգսյանն ու Վլադիմիր Հարությունյանն ավարտեցին ելույթները Գերմանիայի Գրան պրիում: 

Ինչպես հայտնում է ՀԱՕԿ-ի պաշտոնական կայքը, աշտարակացատկերի կիսաեզրափակչում Լև Սարգսյանը վաստակելով 393.90 միավոր՝ չի շարունակել պայքարը:

Հայաստանի մյուս ներկայացուցիչ Վլադիմիր Հարությունյանը` հավաքելով 432.45 միավոր անցել է եզրափակիչ, որտեղ 445.25 միավորով վեց մասնակիցների մեջ զբաղեցրել է հինգերորդ տեղը: 523.40 միավորով ոսկե մեդալ է նվաճել չինացի Ջիան Յանգը:

Հայ ջրացատկորդները մասնակցել են նաև սինքրոն ցատկին (10 մետր), որտեղ 358.20 միավորով 4 զույգերի մեջ զբաղեցրել են վերջին տեղը: Չեմպիոնի կոչմանն են արժանացել Չինաստանի ներկայացուցիչներ Զևեի Խուն և Խիահոու Տայը (461.58 միավոր):

Գրան պրին կայացել է հունվարի 29-31-ը:


Լուսանկարը Վալդիմիր Հարությունյանի ֆեյսբուքյան էջից

Share |

Լրահոս

Loading...