Ռեալը ֆանտաստիկ կերպով փրկվեց պարտությունից (տեսանյութ)

02:21 02.03.2017

Իսպանիայի առաջնության 25-րդ տուրում Մադրիդի «Ռեալը» սեփական հարկի տակ 3:3 հաշվով ավարտեց «Լաս Պալմասի» հետ հանդիպումը:

Հանդիպման 8-րդ րոպեին Իսկոն բացել է խաղի հաշիվը, իսկ 2 րոպե անց Տանաուսուն հավասարեցրել է այն:

Երկրորդ խաղակեսի մեկնարկից 2 րոպե անց «արքայական» ակումբը մնացել է 10 ֆուտբոլիստներով. խախտման և մրցակցի ֆուտբոլիստին հրելու համար կարմիր քարտ է ստացել Գարեթ Բեյլը:

56-րդ րոպեին Ռամոսը տուգանային հրապարակում ձեռքով փակել է գնդակի գնդակի ճանապարհը, իսկ Դավիդ Ֆերնանդես Բորբալանը նշանակել է 11 մետրանոց. Վիերայի հարվածից հետո Նավասը չի կարողացել փրկել իր թիմին: Ընդամենը 3 րոպե անց Կևին Պրինս Բոատենգը, մեն-մենակ մնալով Նավասի դեմ, շրջանցել է վերջինիս, գնդակն ուղարկելով դարպասը:

86-րդ րոպեին ձեռքով խաղի համար 11 մետրանոց է նշանակվել հյուրերի դարպասին: Ռոնալդուն հստակորեն է իրացրել այն: 90-րդ րոպեին անկյունայինի փոխանցումից հետո Ռոնալդուն գլխի դիպուկ հարվածով դուբլ է ձևակերպել:

Այս ոչ-ոքիից հետո «Ռեալը» 56 միավորով հաջորդում է 57 միավոր ունեցող «Բարսելոնային»: Զինեդին Զիդանի գլխավորած թիմը 1 խաղ պակաս է անցկացրել:

Share |

Լրահոս