Գագիկ Սարգսյան. Հաջորդ տարի Աշոցքում առաջին անգամ միջազգային մրցաշար կանցկացնենք

17:56 11.12.2017

Դահուկավազքի և լեռնադահուկային սպորտի Հայաստանի հավաքականներն այս օրերին մասնակցում են միջազգային մրցաշարերի և ուսումնամարզական հավաքներ անցկացնում:

Հայ դահուկորդները պայքարում են 2018 թվականի Ձմեռային օլիմպիական խաղերի ուղեգրերի համար: Հայաստանի առաջատար դահուկավազորդ Սերգեյ Միքայելյանը ծնկի վնասվածք ուներ և այժմ վերականգնողական փուլում է:

«Մինչև օլիմպիական խաղերի մեկնարկը նա ցանկություն ունի ևս մի քանի մրցաշարերի մասնակցել: Այդ հարցը կքննարկենք բժիշկների և մարզիչների հետ: Չնայած նա ունի բավականաչափ միավորներ և ապահովել է իր տեղը Փհենչհան-2018-ում: Հունվարի 12-14-ը կկայանա դահուկավազքի Հայաստանի առաջնությունը, որտեղ ևս մեր դահուկավազորդները կկարողանան վարկանիշ ձեռք բերել»,- լրագրողների հետ զրույցում ասել է Հայաստանի դահուկասպորտի ֆեդերացիայի փոխնախագահ Գագիկ Սարգսյանը:

Նա տեղեկացրել է, որ հաջորդ տարվա մարտին Աշոցքում առաջին անգամ կանցկացնեն միջազգային մրցաշար, որն ավանդական բնույթ կկրի. «Աշոցքը Հայաստանի երկրորդ վայրն է, որը փորձելու ենք զարգացնել մեր մարզաձևի համար: Աշոցքի հետ կապված հեռահար նպատակներ ունենք: Ցանկանում ենք այն դարձնել դահուկավազքի կենտրոն»,- ասել է Գագիկ Սարգսյանը:

Պարադահուկային սպորտում Հայաստանը 2018թ. ձմեռային պարալիմպիկ խաղերի մեկ ուղեգիր ունի: Այն նվաճել է պարալեռնադահուկորդ Սասուն Հակոբյան

Share |

Լրահոս