Մոուրինյու. Լինգարդն ու Մխիթարյանն այսօրվա խաղում աշխուժություն մտցրին

22:16 26.12.2017

Անգլիայի Պրեմիեր լիգայի 20-րդ տուրում «Մանչեսթեր Յունայթեդը» ոչ-ոքի է ավարտել «Բերնլիի» հետ հանդիպումը` 2:2:

Խաղից հետո «կարմիր սատանաների» գլխավոր մարզիչ Ժոզե Մոուրինյուն կիսվել է իր տպավորություններով, ինչպես նաև խոսել թիմի կիսապաշտպան Հենրիխ Մխիթարյանի մասին: 

«Այո, այսօր մենք պետք է հաղթեինք: Գոհ եմ նրանից, որ 0:2 հաշվով պարտվելուց հետո կարողացանք ոչ-ոքի ավարտել հանդիպումը: Գովում եմ թիմին` մարտական ոգու համար: 

Փոխարինման դուրս եկած Լինգարդը մեծ օգուտ տվեց թիմին: Նա և Մխիթարյանը թիմի խաղում աշխուժություն մտցրին: Մրցակիցը, ինչպես և մենք, պատժված էինք խաղային խիտ գրաֆիկով:

Ամեն դեպքում, «Մանչեսթեր Յունայթեդը» արժանի էր հաղթանակի»,- պորտուգալացու խոսքն է մեջբերում «BBC»-ն: 

Հիշեցնենք, որ Մխիթարյանը փոխարինման էր մտել երկրորդ խաղակեսի սկզբնամասում: 

Share |

Լրահոս