Ֆեյենորդը մեկ տարով երկարաձգել է պայմանագիրը Վան Պերսիի հետ

11:42 15.05.2018

«Ֆեյենորդի» հարձակվող Ռոբին վան Պերսին հաջորդ մրցաշրջանում ևս հանդես կգա հոլանդական ակումբում, հայտնում է ակումբի պաշտոնական կայքը:

Կողմերը համաձայնության են եկել պայմանագիրը մեկ տարով երկարաձգելու շուրջ:

Վան Պերսին Ռոտերդամը ներկայացնող ակումբի սան է: Ընթացիկ մրցաշրջանում 34-ամյա հարձակվողը Հոլանդիայի առաջնության 12 հանդիպման է մասնակցել, դարձել է 5 գոլի հեղինակ:

Վան Պերսին հայտնի է նաև «Արսենալում», «Մանչեսթեր Յունայթեդում», «Ֆեներբահչեում» և Հոլանդիայի հավաքականում իր ելույթներով:

2018 թվականի հունվարին ֆուտբոլիստը վերադարձել է հարազատ «Ֆեյենորդ» և օգնել թիմին նվաճել երկրի Գավաթը:

Share |

Լրահոս