Արգենտինայի հավաքականի կազմում աշխարհի 1986 թվականի չեմպիոն Ռիկարդո Ջուսթին Արգենտինայի ֆուտբոլային Ասոցիացիայի գլխավոր մենեջեր Խորխե Բորուչագայի հետ զրույցից հետո հայտարարել է, որ Նիգերիայի հետ խաղում թիմի կազմը կորոշեն ֆուտբոլիստները, և ոչ գլխավոր մարզիչ Խորխե Սամպաոլին:

Արգենտինայի և Նիգերիայի հավաքականները միմյանց հետ կմրցեն ԱԱ-2018-ի խմբային փուլի վերջին` երրորդ տուրում.

«Ֆուտբոլիստները կընտրեն կազմը. դա փաստ է:

Եթե Սամպաոլին ցանկանա խաղի ընթացքում լինել մարզչական նստարանին, կարող է անել դա: Եթե ոչ, խնդիր չէ»,- Ջուսթիի խոսքերն է փոխանցում «Daily Mail»-ը:

Հանդիպումը, հիշեցնենք, կկայանա հունիսի 26-ին Սանկտ-Պետերբուրգում: