Լեգենդների խաղ. Լատինական Ամերիկայի թիմը հաղթանակի հասավ Եվրոպայի նկատմամբ (տեսանյութ)

21:58 08.07.2018

Այսօր` հուլիսի 8-ին, Երևանում կայացավ երկար սպասված լեգենդների խաղը:

Միմյանց դեմ էին դուրս եկել Լատինական Ամերիկայի ու Եվրոպայի թիմերը: 

Հանդիպմանը մասնակցում էին մի շարք լեգենդար ֆուտբոլիստներ, ովքեր հատուկ այս խաղի համար ժամանել են Երևան: Իրենց մասնակցությունը խաղին ունեցան Ռիվալդոն, Հերնան Կրեսպոն, Գաբրիել Բատիստուտա, Դիդան, Կաֆուն, Իվան Սամորանոն, Ժուլիանո Բելետին, Սերժինիոն, Յուրի Ջորկաեֆը, Յարի Լիտմանենը, Հրիստո Ստոիչկովը, Դեմետրիո Ալբերտինին, Լյուդովիկ Ժուլին, Ռայան Գիգսը, Խավիեր Սավիոլան և այլք։

Որպես Լատինական Ամերիկայի թիմի գլխավոր մարզիչ հանդես եկավ բրազիլացի լեգենդար ֆուտբոլիստ Ռոնալդոն:

Իսկ Եվրոպայի թիմի մարզիչն էր Իտալիայի հավաքականի լեգենդար պաշտպան Պաուլո Մալդինին:

Հանդիպմանը ներկա էր նաև Հայաստանի Հանրապետության վարչապետ Նիկոլ Փաշինյանը:

Խաղը, ինչպես սպասվում էր անցավ գոլառատ պայքարում ու ավարտվեց լատինաամերիկացիների հաղթանակով` 5:2 հաշվով: Ռոնալդոյի թիմից գոլի հեղինակ դարձան Բատիստուտան, Բեբետոն, Սավիոլան, իսկ դուբլի հեղինակ դարձավ Էլ Ռոսարիոն: Եվրոպայի թիմից գոլով աչքի ընկան Ֆիգոն և Ջորկաեֆը:

Խաղին մասնակցեցին նաև հայ ֆուտբոլիստներ: Եվրոպայի թիմի դարպասն առաջին կեսում պաշտպանեց Ռոման Բերեզովսկին, ինչպես նաև երկրորդ կեսին մասնակցեց Խորեն Հովհաննիսյանը:

 

 

Share |

Լրահոս