Չելսին շարունակում է անպարտելի մնալ Պրեմիեր լիգայում (տեսանյութ)

19:14 07.10.2018

Անգլիայի Պրեմիեր լիգայի 8-րդ տուրում «Չելսին» հյուրընկալվեց «Սաութհեմփթոնին» և խոշոր հաշվով հաղթանակ տոնեց:

«Սենտ Մերի» մարզադաշտում կայացած խաղում Մաուրիցիո Սարիի սաները 3 անպատասխան գոլ խփեցին. աչքի ընկան Էդեն Ազարը, Ռոս Բարկլին և Ալվարո Մորատան:

Այսպիսով, «Չելսին» շարունակում է անպարտելի մնալ Պրեմիեր լիգայում՝ Սարիի թիմը 8 խաղում 6 հաղթանակ է տոնել և 2 ոչ-ոքի գրանցել:

Այս հաղթանակից հետո լոնդոնյան թիմն ունի 20 միավոր և դեռևս գլխավորում է մրցաշարային աղյուսակը: «Չելսիին» շրջանցելու հնարավորություն ունեն «Լիվերպուլը» և «Մանչեսթեր Սիթին», որոնք ունեն 19-ական միավոր և այս տուրում խաղում են իրար հետ: «Սաութհեմփթոնը» 8 խաղում 5 միավոր է վաստակել և զբաղեցնում է 16-րդ հորիզոնականը:

Անգլիայի Պրեմիեր լիգա, 8-րդ տուր

«Սաութհեմփթոն»-«Չելսի»՝ 0:3
Գոլերը՝ Ազար 30՛, Բարկլի 57՛, Մորատա 90+3՛

Share |

Լրահոս

Loading...