Ռեալը մտադիր է ձմռանը պայմանագիր կնքել Ազարի հետ

10:31 09.10.2018

Մադրիդի «Ռեալը» ձմեռային տրանսֆերային պատուհանի ընթացքում կփորձի ձեռք բերել «Չելսիի» կիսապաշտպան Էդեն Ազարին:

Այս մասին հայտնում է «Cadena Ser»-ը:

Իսպանական ակումբը մտադիր է օգտվել բելգիացու պայմանագրի ավարտով, որը նախատեսված է մինչև 2020 թվականը:

Ենթադրվում է, որ մադրիդցիները շեշտը կդնեն Չեմպիոնների լիգայում իրենց թիմի ելույթների վրա, մինչդեռ «Չելսին» հանդես է գալիս Եվրոպա լիգայում:

Անձամբ ֆուտբոլիստը բազմիցս խոսել է այն մասին, որ «Ռեալում» հանդես գալն իր մանկության երազանքն է:

«Չելսին» 8 տուրից հետո զբաղեցնում է ԱՊԼ-ի մրցաշարային աղյուսակի երկրորդ հորիզոնականը. լոնդոնցիները 20 միավոր են վաստակել` 6 անգամ հաղթելով և 2 անգամ ոչ-ոքի խաղալով:

Էդեն Ազարը գլխավորում է ռմբարկուների ցանկը` դառնալով 7 գոլի հեղինակ, նրա ակտիվում նաև 3 գոլային փոխանցում կա:

9-րդ տուրում Մաուրիցիո Սարիի թիմը հոկտեմբերի 20-ին տանը կխաղա «Մանչեսթեր Յունայթեդի» հետ:

Share |

Լրահոս