Արսենալի նախկին գործադիր տնօրենն աշխատանքի է անցել Միլանում

15:23 06.12.2018

«Արսենալի» նախկին գործադիր տնօրեն Իվան Գազիդիսը նույն պաշտոնին է նշանակվել «Միլանում»: Այս մասին հաղորդում է իտալական ակումբի թվիթերյան պաշտոնական էջը:

«Սա մեծ պատիվ է՝ «Միլանին» նոր դարաշրջան դուրս բերել: Ուզում եմ ողջ աշխարհում ակումբի միլիոնավոր երկրպագուներին հավատացնել, որ ես այս աշխատանքի մեջ սիրտ ու հոգի եմ ներդնելու, ողջ ուժով ջանալու եմ հասնել նրան, ինչ բոլորս ցանկանում ենք այս մեծագույն ակումբի համար:

Քրտնաջան աշխատանքը սկսվում է հենց հիմա: Այն պահանջում է համալիր աշխատանք ինչպես խաղադաշտում, այնպես էլ դրա սահմաններից դուրս:

Ես շատ ուրախ եմ այս նոր աշխատանքի համար: Ճանապարհը հեշտ չի լինելու, բայց ես վստահ եմ, որ բոլորս միասին կարող ենք «Միլանը» վերադաձնել այնտեղ, ուր իր տեղն է»,- ասել է Գազիդիսը:

Նա «Արսենալից» հեռացել էր հոկտեմբերի վերջին: Լոնդոնյան թիմում նա աշխատում էր 2008 թվականից:

Share |

Լրահոս