Հրաչյա Չանդիրյան. Sms-քվեարկությունը կախված է մարզիկի հնարավորություններից և շրջապատից

16:33 21.12.2018

Ջրացատկի Հայաստանի ազգային հավաքականի գլխավոր մարզիչ Հրաչյա Չանդիրյանը «Տարվա 10 լավագույն մարզիկներ» մրցույթի քվեարկությանը մասնակցելուց առաջ ArmSport-ի թղթակցի հետ զրույցում խոսել է քվեարկության, անցնող տարում իրենց հաջողությունների և հետագա ծրագրերի մասին.

«Հաջող տարի էր մեզ համար: Ունեցանք մեր լավագույն արդյունքն անկախ Հայաստանի պատմության մեջ` դառնալով Եվրոպայի առաջնության բրոնզե մեդալակիր:

Քվեարկության նոր կարգը բավականին հետաքրքիր է, երբ մարզիչները ևս մասնակցելու իրավունք ունեն, բայց ավելի լավ կլիներ, որ հանրության քվեարկությունը չլիներ:

Հանրության քվեարկությունը կախված է տվյալ մարզիկի հնարավորություններրից: Որքան մեծ են այդ մարզիկի հնարավորությունները, այնքան ավելի շատ ձայն կստանա: Ով ֆինանսական մեծ ռեսուրսներ ու մեծ շրջապատ ունի, նրա հավակնություններն ավելի մեծ են sms-քվեարկությունում:

Այդ իսկ պատճառով, ես հակված եմ, որ 50/50 լինի` մասնագետների և լրագրողների կարծիքները համատեղելով»,- ասաց պարոն Չանդիրյանը և խոսեց նաև հաջորդ տարի իրենց ունեցած ծրագրերի մասին.

«Հաջորդ տարի մենք ունենք Եվրոպայի, աշխարհի և ուսանողական առաջնություններ: Այդ երեք մրցումները մեր ամենակարևորն մրցումներն են լինելու 2019 թվականի ընթացքում, որոնց պետք է ըստ արժանվույն նախապատրաստվենք»,- իր խոսքում նշեց Հրաչյա Չանդիրյանը:

Share |

Լրահոս

Loading...