Տոկիո-2020-ի մեկնարկին մնաց 500 օր

14:22 12.03.2019

Տոկիոյում կայանալիք 32-րդ ամառային Օլիմպիական խաղերի մեկնարկին մնաց 500 օր, գրում է ՀԱՕԿ-ի պաշտոնական կայքը:

Ճապոնիայի մայրաքաղաքում 2020թ. հուլիսի 24-ից օգոստոսի 9-ը հանդես կգան 12 հազարից ավելի մարզիկներ` 33 մարզաձևերում: Նախորդ Օլիմպիական խաղերի համեմատ, օլիմպիական ծրագրում ընգրկվել են նաև կատարե, սերֆինգ, բեյսբոլ, մարզական ժայռամագլցում և սքեյթբորդինգ մարզաձևերը:

Մի շարք մարզաձևերում ավելացվել են նոր մրցաձևեր:

Տոկիո-2020-ում մարզիկների անվտանգությունը կապահովեն մոտ 50 հազար աշխատակիցներ:

Օլիմպիական ջահի փոխանցումավազքը նախատեսված է սկսել 2020թ. մարտի 26-ին: Տոկիոն ամառային Օլիմպիական խաղերն ընդունել է նաև 1964 թվականին: Տոկիոն 5-րդ քաղաքն է, որն ամառային Օլիմպիական խաղերը կհյուրընկալի երկրորդ անգամ։ Օլիմպիական խաղերից հետո Ճապոնիայի մայրաքաղաքում օգոստոսի 25-ից սեպտեմբերի 9-ը կանցկացվի նաև 16-րդ Պարալիմպիկ խաղերը:

Հիշեցնենք, որ Ռիո դե Ժանեյրոյում 2016թ. կայացած 31-րդ ամառային Օլիմպիական խաղերում Հայաստանը 1 ոսկե, 3 արծաթե մեդալով մեդալային հաշվարկում զբաղեցրել էր 42-րդ տեղը:

Ռիո-2016-ին Հայաստանը հայտավորվել էր 32 մարզիկով՝ 7 մարզաձևերում (աթլետիկա, բռնցքամարտ, սպորտային մարմնամարզություն, ձյուդո, ծանրամարտ, լող, ըմբշամարտ):

Share |

Լրահոս