Կանտե. Ես դեռ նպատակներ ունեմ Չելսիում

15:30 25.03.2019

«Չելսիի» կիսապաշտպան Նգոլո Կանտեն մեկնաբանել է մամուլում շրջանառվող լուրերն այն մասին, որ պատրաստվում է հեռանալ լոնդոնյան ակումբից:

«Ես «Չելսիում» դեռ նպատակներ ունեմ: Նշանակություն չունի, թե ինչ են խոսում մյուսները: Ի՞նչ կլինի, եթե ինձ զանգահարի Զիդանը: Կարևոր չէ: Ես լիովին կենտրոնացած եմ «Չելսիում» ելույթներիս վրա»,- Կանտեի խոսքը մեջբերել է RTL-ն:

Շրջանառվող լուրերի համաձայն՝ Նգոլո Կանտեի ծառայություններով հետաքրքրված են Մադրիդի «Ռեալը», «Յուվենտուսը» և «Պարի Սեն Ժերմենը»:

Հիշեցնենք, որ 27-ամյա Կանտեն 2016 թվականին է 35,8 միլիոն եվրոյի դիմաց «Լեսթեր Սիթիից» տեղափոխվել «Չելսի»: Պրեմիեր լիգայի ընթացիկ խաղարկությունում Կանտեն մասնակցել է 30 հանդիպման, դարձել է 3 գոլի և 4 գոլային փոխանցման հեղինակ: Նրա՝ լոնդոնյան ակումբի հետ գործող պայմանագիրը նախատեսված է մինչև 2023 թվականը:

Share |

Լրահոս