ԵԱ. Էլինա Դանիելյանը, Սիրանուշ Ղուկասյանը և Մարիա Գևորգյանը հաղթել են վերջին տուրում

10:57 23.04.2019

Թուրքիայում ավարտված շախմատի կանանց Եվրոպայի անհատական առաջնության վերջին՝ 11-րդ տուրում Հայաստանի ներկայացուցիչներից հաղթել են Էլինա Դանիելյանը, Սիրանուշ Ղուկասյանը և Մարիա Գևորգյանը, իսկ Լիլիթ Մկրտչյանը և Աննա Սարգսյանը պարտություն են կրել:

Այս մասին հայտնում է ՀԱՕԿ-ի պաշտոնական կայքը:

6.5 միավոր հավաքած Էլինա Դանիելյանը գրավել է 29-րդ տեղը, Սիրանուշ Ղուկասյանը՝ 31-րդ, Մարիա Գևորգյանը՝ 32-րդ, իսկ Լիլիթ Մկրտչյանը՝ 35-րդ:

Աննա Սարգսյանը 4 միավորով հայտնվել է 105-րդ տեղում:

Եվրոպայի չեմպիոնի կոչումը նվաճել է ռուս Ալինա Կաշլինսկայան, որը հավաքել է 8 միավոր և միայն լրացուցիչ ցուցանիշներով է գերազանցել 1-5-րդ տեղերը բաժանած մյուս 4 շախմատիստուհիներին:

Share |

Լրահոս