Մբապեն վերջին 53 տարվա մեջ առաջին ֆրանսիացին է, որը Լիգա 1-ում 32 գոլ է խփում

18:45 19.05.2019

«Պարի Սեն Ժերմենի» հարձակվող Կիլիան Մբապեն Լիգա 1-ի 37-րդ տուրի՝ «Դիժոնի» հետ խաղում (4-0) դարձել է դուբլի հեղինակ։

Մբապեն Ֆրանսիայի ընթացիկ առաջնությունում արդեն 32 գոլ է խփել։ Նա դարձել է վերջին 53 տարվա մեջ առաջին ֆրանսիացի ֆուտբոլիստը, որին հաջողվում է Լիգա 1-ում նվազագույնը 32 գոլ խփել։ Այս մասին հաղորդում է Opta վիճակագրական կայքը։

Վերջին անգամ նման հաջողության հասել է «Նանտի» հարձակվող Ֆիլիպե Գոնդեն, որը 1965-66թթ․ մրցաշրջանն ավարտել է 36 գոլով։ Այժմ 20-ամյա Մբապեն Ֆրանսիայի առաջնության լավագույն ռմբարկուն է։ «Ոսկե խաղակոշիկի» համար պայքարում նա զբաղեցնում է երկրորդ հորիզոնականը՝ 2 գոլով զիջելով «Բարսելոնայի» առաջատար Լիոնել Մեսսիին։

Հավելենք, որ Լիգա 1-ի վերջին տուրում ՊՍԺ-ն խաղալու է «Ռեյմսի» հետ։ Հանդիպումը կայանալու է մայիսի 24-ին։

Share |

Լրահոս

Loading...