Հեծանվորդ Էդգար Ստեփանյանը կմասնակցի վարկանիշային մրցաշարերի

13:07 21.05.2019

Հեծանվորդ Էդգար Ստեփանյանը, որն այս օրերին ուսումնամարզական հավաք է անցկացնում «Օլիմպավանում», կմասնակցի Ռուսաստանի տարբեր քաղաքներում կայանալիք 3 վարկանիշային «Գրան պրիի»:

Այս մասին հայտնում է ՀԱՕԿ-ի պաշտոնական կայքը:

Մայիսի 27-30-ը Ստեփանյանը կմասնակցի Տուլայի «Գրան պրիին», որտեղ ուժերը կչափի խմբակային վազք և օմնիում ձևերում:

Նույն մրցաձևերում հայ մարզիկը հանդես կգա նաև հունիսի 1-3-ը Մոսկվայում անցկացվելիք «Գրան պրիում»: Մրցումների շարքը կեզրափակվի Սանկտ Պետերբուրգում, որտեղ հեծանվորդը հունիսի 5-7 կմասնակցի խմբակային վազք և օմնիում մրցաձևերի մրցմանը:

Խմբակային վազքի միավորները վարկանիշ կապահովեն աշխարհի գավաթի խաղարկության համար, իսկ օմնիում մրցաձևինը՝ Տոկիո-2020 Օլիմպիական խաղերի համար:

Share |

Լրահոս

Loading...