Երկու ակումբներ պայքարելու են Կեյլոր Նավասին գնելու համար

20:32 19.06.2019

Մադրիդի «Ռեալի» դարպասապահ Կեյլոր Նավասը մոտ է թիմից հեռանալուն։ 

Ինչպես տեղեկացնում է Marca-ն՝ վկայակոչելով A bola պորտուգալական հեռուստաալիքին, կոստառիկացի դարպասապահին գնելու համար պայքարելու են «Բենֆիկան» և «Պորտուն»։ Հաղորդվում է, որ «սերուցքայինների» ներկայացուցիչները արդեն իսկ շփում ունեցել են լիսաբոնյան ակումբի ներկայացուցիչների հետ, սակայն այլ ֆուտբոլիստի տրանսֆերի քննարկման շուրջ։ «Բենֆիկան» ուզում է ձեռք բերել Ռաուլ դե Տոմային, ում իրավունքները պատկանում են «Ռեալին»։ 

Մադրիդի «Ռեալի» գլխավոր մարզիչ Զինեդին Զիդանը գալիք մրցաշրջանում թիմի հիմնական դարպասապահի դերում տեսնում է Տիբո Կուրտուային։ Բելգիացի դարպասապահը նախորդ ամառ է տեղափոխվել «Ռեալ»։ 

Նավասը հանդես է գալիս «արքայական» ակումբի կազմում 2014 թվականից։ «Ռեալի» հետ նա երեք անգամ հաղթել է Չեմպիոնների լիգայի խաղարկությունում, մեկ անգամ հռչակվել է Իսպանիայի չեմպիոն։ 

Share |

Լրահոս

Loading...