Մինսկ-2019. Այսօր պայքարի դուրս կգա Հայաստանի 5 ներկայացուցիչ

11:00 27.06.2019

Մինսկում ընթացող Եվրոպական երկրորդ խաղերի 7-րդ մրցումային օրը հայ մարզիկները պայքարի մեջ կմտնեն ըմբշամարտ, թիավարություն, սպորտային մարմնամարզություն և հեծանվասպորտ մարզաձևերից։

Ըմբշամարտում ազատ ոճային Վալոդյա Ֆրանգուլյանը (65 կգ) սփոփիչ գոտեմարտում ուժերը կչափի Բելառուսը ներկայացնող Գեորգի Կոլիևի հետ։ Նա գորգ դուրս կգա Երևանի ժամանակով 12:00-ին։

Թիավարությունում՝ բայդարկա 5000 մետր մրցաձևի եզրափակչում Հայաստանը կներկայացնի Վլադիմիր Ալավերդյանը։ Նա կմեկնարկի Երևանի ժամանակով 17։30-ին։

Սպորտային մարմնամարզությունում պայքարի մեջ կմտնեն Վահագն Դավթյանը, Արթուր Թովմասյանը և Արթուր Դավթյանը։ 

Բազմամարտի որակավորման փուլը կսկսվի Երևանի ժամանակով 14։00-ին։ Հեծանվասպորտում Հայաստանը կներկայացնի Էդգար Ստեփանյանը։ Նա կմեկնարկի Երևանի ժամանակով 21։15-ին։

Share |

Լրահոս

Loading...