Ֆեդերերը 100-րդ հաղթանակը տարավ Ուիմբլդոնում ու դուրս եկավ կիսաեզրափակիչ

21:30 10.07.2019

Ուիմբլդոնի տղամարդկանց մենախաղի կիսաեզրափակչի ևս մեկ մասնակցի անուն հայտնի դարձավ։ Մրցաշարի 8-ակի հաղթող Ռոջեր Ֆեդերերը կարիերայի ընթացքում 13-րդ անգամ դուրս եկավ կիսաեզրափակիչ։ 

37-ամյա շվեյցարացու մրցակիցը ճապոնացի Կեյ Նիշիկորին էր։ Ռոջերը հաղթեց չորս սեթում 4-6, 6-1, 6-4, 6-4 հաշվով։ Սա Ֆեդերերի 100-րդ հաղթանակն էր Ուիմբլդոնում, ինչը բացարձակ ռեկորդ է։

Հանդիպման առաջին սեթում Ֆեդերերը զգալի խնդիրներ ուներ։ Նիշիկորին վստահ մեկնարկեց ու արժանիորեն հաղթեց առաջին սեթը։ Հաջորդ սեթերում աշխարհի երրորդ ռակետը խնդիրներ չունեցավ։ 

Կիսաեզրափակչում Ֆեդերերի հավանական մրցակիցը Ռաֆայել Նադալն է։ Իսպանացին երկու սեթի առավելություն ունի Սեմ Քուերիի նկատմամբ, իսկ երրորդ սեթում արդեն հասցրել է հաղթել հակառակորդի մատուցման գեյմերից մեկը։ 

Share |

Լրահոս

Loading...