Պաշտոնական․ Գրիգոր Աղեկյանը տեղափոխվեց Լոռի

16:37 21.07.2019

Հայաստանի երիտասարդական հավաքականի նախկին հարձակվող Գրիգոր Աղեկյանը տեղափոխվել է «Լոռի»։ Վանաձորյան ակումբի մամուլի ծառայությունից տեղեկանում ենք, որ ֆուտբոլիստի հետ կնքվել է 1+1 ձևաչափով պայմանագիր։

23-ամյա ֆուտբոլիստը Վանաձոր է ժամանել Բելառուսից, որտեղի «Իսլոչ» թիմում հանդես է եկել նախորդ կես տարին: Մինսկը ներկայացնող ակումբի կազմում Աղեկյանը մասնակցել է առաջնության 5 հանդիպման, դարձել 1 գոլի հեղինակ:

Ավելի վաղ Հայաստանի Առաջին խմբի առաջնությունում Գրիգորը մասնակցել է 34 խաղի, խփել 20 գոլ և կատարել 4 գոլային փոխանցում, դարձել 2017/18 թթ. մրցաշրջանի լավագույն ռմբարկու: Բարձրագույն խմբում մասնակցել է 28 խաղի, խփել 4 գոլ:

Հայաստանի Մ21 հավաքականի կազմում Աղեկյանը մասնակցել է 9 հանդիպման: 

Share |

Լրահոս

Loading...