Ֆիլիպե Լուիսը հեռանում է Աթլետիկոյից. Ես այս ակումբի համար ամեն ինչ տվել եմ

15:11 21.07.2019

Մադրիդի «Աթլետիկոյի» պաշտպան Ֆիլիպե Լուիսը հեռանում է թիմից: Այսօր ակումբը կազմակերպել էր միջոցառում, որի ընթացքում խաղացողը հրաժեշտ տվեց թիմին:

Միջոցառմանը ներկա էին մադրիդցիների նախագահը, գլխավոր մարզիչ Դիեգո Սիմեոնեն և մի քանի ֆուտբոլիստներ.

«Ես մի շարք հիանալի պահեր եմ ունեցել «Աթլետիկոյում»: Այսօր ոչ թե տխուր, այլ ուրախ օր է, քանի որ ես ամեն ինչ տվել եմ այս ակումբի համար»,- ասել է բրազիլացին:

Լուիսին վերջում հիշարժան նվեր են տվել: Այն հիշեցնում է, որ ֆուտբոլիստը 333 հանդիպում է անցկացրել մադրիդյան թիմում. նա այստեղ հանդես էր գալիս 2010 թվականից, ընթացքում մեկ մրցաշրջան անցկացնելով «Չելսիում»:

Հավելենք, որ պաշտպանն արդեն երկու տարվա պայմանագիր է համաձայնեցրել «Ֆլամենգոյի» հետ:

Share |

Լրահոս

Loading...