Մանուէլ Պետրոսյանը Աբու Դաբի Մասթերսում 7-րդ հորիզոնականն է զբաղեցրել

14:30 13.08.2019

Արաբական Միացյալ Էմիրություններում ավարտվել է Աբու Դաբի Մասթերս հզոր միջազգային մրցաշարը, որին մասնակցում էին 151 շախմատիստ: Մասնակիցների թվում էր 55 գրոսմայստեր, իսկ ընդհանուր առմամբ 155 մասնակցից 124 կրում են միջազգային կոչումները:

Մրցաշարում Հայաստանը ներկայացնում էին Վլադիմիր Հակոբյանը, Սամվել Տեր-Սահակյանը ու Մանուէլ Պետրոսյանը: Մեր մասնակիցներից լավագույն արդյունքը ցույց է տվել Մանուէլ Պետրոսյանը, որը վերջին տուրում հաղթել է Սամվել Տեր-Սահակյանին և 6.5 միավորով կիսել 3-11-րդ հորիզոնականները: Լրացուցիչ ցուցանիշների հաշվարկից հետո Պետրոսյանը գրավել է 7-րդ հորիզոնականը: Այս մասին տեղեկացնում է  Հայաստանի շախմատային ֆեդերացիայի կայքը:

Սամվել Տեր-Սահակյանը և Վլադիմիր Հակոբյանը վաստակել են  5.5-ական միավոր և գրավել են  համապատասխանաբար 33-րդ և 35-րդ հորիզոնականները:

Աբու Դաբի Մասթերսի հաղթող է դարձել Բաադուր Ջոբավան:

Share |

Լրահոս

Loading...