Մարսելը խզել է պայմանագիրը Ռամիի հետ Ֆորտ Բոյարին մասնակցելու համար

09:38 13.08.2019

«Մարսելը» խզել է պայմանագիրը պաշտպան Ադիլ Ռամիի հետ, հաղորդում է RMC Sport-ը՝ վկայակոչելով L'Equipe-ին:

Աղբյուրի տեղեկություններով՝ նման որոշում է կայացվել ակումբի ղեկավարության կողմից պայմանագրի կետերի խախտման պատճառով։ Ֆրանսիայի առաջնության նախավերջին տուրում «Թուլուզի» հետ արտագնա խաղից երկու օր անց Ռամին բաց է թողել մարզումը՝ «ընտանեկան պայմաններից ելնելով»: Սակայն ավելի ուշ պարզվել է, որ ֆուտբոլիստը մեկնել է «Ֆորտ Բոյար» շոուի նկարահանումներին։ Ֆուտբոլիստը համաձայն չէ ակումբի որոշման հետ, և նրա իրավաբանները այս պահին վիճարկում են «Մարսելի» որոշումը։

Ռամիի ներկայացուցիչները պնդում են, որ ակումբն այդ կերպ ազատվել է այն ֆուտբոլիստից, ում պայմանագիրը ևս երկու տարի ուժի մեջ էր: 

Share |

Լրահոս

Loading...