Վուլվերհեմփթոնը վտանգավոր է համարում Էրիկ Վարդանյանի վերադարձը

19:39 15.08.2019

«Վուլվերհեմփթոնի» պաշտոնական կայքը «Փյունիկի» հետ պատասխան հանդիպմանն ընդառաջ անդրադարձել է երևանյան թիմի կիսապաշտպան Էրիկ Վարդանյանին՝ նրա խաղադաշտ վերադառնալը մեկնաբանելով որպես «վտանգավորի վերադարձը»։

«Չնայած նրան, որ «Փյունիկը» հինգշաբթի օրը «Մոլինյու» մարզադաշտ է գալու 4 անպատասխան գնդակ բաց թողած, բայց նրանց կօգնի թիմի տաղանդավոր կիսապաշտպան Էրիկ Վարդանյանի վերադարձը, որը չէր մասնակցել նախորդ հինգշաբթի «Հանրապետական» մարզադաշտում կայացած խաղին։

Հայաստանի ազգային հավաքականի աստղը, որն այս տարվա եվրագավաթներում խփել էր իր թիմի առաջին գոլը, իսկ Չեխիայում ստացած կարմիր քարտի պատճառով բաց թողել թիմերի միջև կայացած առաջին հանդիպումը, այսօր հակված կլինի «Մոլինյուում» ցույց տալ՝ ինչ կարող է անել»,- գրում է «գայլերի» պաշտոնական կայքը։

Հիշեցնենք, որ Եվրոպա լիգայի որակավորման 3-րդ փուլի «Վուլվերհեմփթոն»-«Փյունիկ» խաղը կկայանա այսօր՝ օգոստոսի 15-ին, Երևանի ժամանակով 23:45-ին։ 

Երևանում կայացած խաղն ավարտվել էր անգլիական թիմի՝ 4-0 հաշվով հաղթանակով։

Share |

Լրահոս

Loading...