Սլավիկ Գալստյանն՝ ըմբշամարտի աշխարհի առաջնության բրոնզե մեդալակիր

17:36 15.09.2019

63 կգ քաշային հունահռոմեական ոճի ըմբիշ Սլավիկ Գալստյանը Ղազախստանում ընթացող ըմբշամարտի աշխարհի առաջնությունում բրոնզե մեդալ է նվաճել:

Հայ ըմբիշը 7-5 հաշվով վստահ առավելության է հասել իրանցի Մեյսամ Դոլխանիի նկատմամբ:

Կիսաեզրափակչում Գալստյանը պարտվել էր աշխարհի գործող չեմպիոն, հայազգի Ստեփան Մարյանյանին: Գալստյանը 2։0 հաշվով հաղթում էր Ստեփանին, բայց հետո Ռուսաստանի ներկայացուցիչը հնարավորություն ստացավ պարտերում վերևից աշխատելու և գլորեց Գալստանին։

Գոտեմարտն ավարտվեց 2։3 հաշվով։ Հայ մարզիչները բողոքարկման բարձիկ նետեցին՝ սակայն անարդյունք։ Գոտեմարտի վերջնական հաշիվը դարձավ 2։4։

Մինչև կիսաեզրափակիչ հասնելը Գալստյանը երկու կամային հաղթանակ էր տարել Ադրբեջանը և Ուզբեկստանը ներկայացնող ըմբիշների նկատմամբ։

Share |

Լրահոս

Loading...