Դերբի դե լա Մադոնինա. Եվրոպական ուիքենդի զարդը

16:22 21.09.2019

Այսօր մեկնարկում են եվրոպական թոփ-առաջնությունների հերթական տուրերի հանդիպումները: Հանգստյան օրերին վերսկսում է պայքարը Անգլիայի, Իսպանիայի, Իտալիայի, Գերմանիայի, Ֆրանսիայի առաջնություններում չեմպիոնի կոչման համար:

Սակայն այս անգամ ֆուտբոլային Եվրոպան հայացքը թեքում է դեպի Ապենինյան թերակղզի: Իրադարձությունների գլխավոր կիզակետը Իտալիան է, ավելի ստույգ՝ Միլանը:

Հանդիպում են քաղաքի գլխավոր թիմերը՝ «Միլանն» ընդդեմ «Ինտերի»: Կամ այլ կերպ ասած՝ Դերբի դե լա Մադոնինա:

Վիճակագրություն

Թիմերն ընդհանուր առմամբ անցկացրել են 181 հանդիպում, որտեղ առավելությունը «Ինտերի» կողմն է՝ 67 հաղթանակ, 57 պարտութոյւն, 57 ոչ-ոքի:

Այս դիմակայության լավագույն ռմբարկուն «Միլանի» լեգենդար հարձակվող Անդրեյ Շևչենկոն է, ով աչքի է ընկել 15 անգամ:

Թիմերի դիրքը մրցաշարային աղյուսակում

Երկու ակումբները այս մրցաշրջանում հակառակ էմոցիաներ են առաջացնում երկրպագուների մոտ: «Ինտերը» հրաշալի է մեկնարկել այս առաջնությունում, ցույց տալով 100 տոկոսանոց արդյուք. 3 խաղ, 3 հաղթանակ: Իսկ ահա միլանյան համանուն թիմը առաջնության առաջին խաղում 0-1 հաշվով պարտություն կրեց «Ուդինեզեից»: Ճիշտ է, հաջորդ երկու հանդիպումներում թիմը հաղթանակ տարավ նվազագույն հաշվով, սակայն հարձակման գծում Պյոնտեկի և Ռեբիչի պես ֆուտբոլիստներ ունեցող ակումբը չպետք է 3 խաղում 2 գոլ խփի:

Ուշադրության արժանի ֆուտբոլիստներ

Երկու ակումբներն էլ բարձր մակարդակի կատարողների պակաս չունեն: «Միլանի» կազմում կարող են խաղի ելքը վճռել նույն Պյոնտեկն ու Ռեբիչը, ինչպես նաև ստեղծագործ ունակություններով և անսպասելի գործողութոյւններով աչքի ընկնող Չալխանողլուն և Սուսոն:

«Ներաձձուրիների» կազմում չափազանց վտանգավոր է լինելու Լուկակու-Մարտինես հարձակման զույգը, որը գրեթե ամեն խաղում աչքի է ընկնում, ինչպես նաև կիսապաշտպան Ստեֆանո Սենսին, ով փայլուն մարզավիճակում է գտնվում:

Գեղամ Հարությունյան

Share |

Լրահոս

Loading...