ՖԻՖԱ-ն դիտարկում է 2030 թվականի ֆուտբոլի աշխարհի առաջնության մասնակիցների թիվը մինչև 64 թիմ ընդլայնելու հնարավորությունը։ Այս առաջարկի նպատակն է ավելի շատ հնարավորություն տալ փոքր երկրներին՝ մասնակցելու մրցաշարին։ Այս մասին հայտնում է L’Equipe-ը։
Աշխարհի 2026 թվականի առաջնության մասնակիցների թիվն արդեն իսկ ավելացվել է՝ հասնելով 48-ի, և այժմ ՖԻՖԱ-ն կարող է ձևաչափի էլ ավելի մասշտաբային փոփոխություն ծրագրել 2030 թվականի համար։ Շատ բան կախված կլինի այն խնդիրներից, որոնք անխուսափելիորեն ի հայտ կգան ԱՄՆ-ում, Կանադայում և Մեքսիկայում կայանալիք մրցաշարի ժամանակ։
1930 թվականին կայացած աշխարհի առաջին առաջնությունն անցկացվել է 13 մասնակցով։ Հաջորդ մրցաշարից սկսած մինչև 1978 թվականը պայքարել են 16 թիմեր։ 1982 թվականին հավաքականների թիվը հասցվել է 24-ի, իսկ 1998 թվականից՝ 32-ի։
